کلامک خاوي .. بحال هاذ القرعة دلانکول. ! کلامي خاوي وجيابي عامرين .. حميتي فيا البيضة غير حيث طامعة - فریالاتي أش قضيتي بالملاين اللي تصرفتي فيهم مع راجلک اللول .. السعودي اللي صرف عليک ميزانية متاع دولة عطاک فيرمة کتجري فيها الخيل حتى کتعيا .. وفيلا فعين الذياب … وزوج کيران إکسبريس وکاميو وليموزين طويلة عريضة.. کتساراي فيها الليل بطولو ؟ حتى ولدک الحمک ودمک سمحتي فيه وبعتيه بالفلوس ! .. السعودي قبل ما يطلقک شرا منک ولدو بالمال بزوج عمارات فحي الرمان وانا .. واخا نبيع عليک راسي فسوق المعيز .. آش غنساوي قدام راجلک السعودي.. اللي کان کيفطر فالرباط وکيتغذى فالرياض ؟ طبيتي فالعز کلو اللي تمخمختي فيه ! ومشيتي سکنتي فثقبة دالحناش مع بنادم زحاف وکملتيها مللي ولدتي معاه ذيک الکذابة د سومية الزحاف دراجلک کان غير شيفور عندک من أيام السعودي بقا تابعک بحال ظلک وسکنتي انتي وياه فعشة النعاج .. فبراکة فحي البرکة ! … شفتک بحال إلا عاد شدو فيک ذوک الجغمات اللي سکحتي ! .. الولد اللي خذا مني ماشي ولدو .. ماهو لا ولدي ولا ولدو، شي مرا من دوار البرکة ولداتو .. حرامي .. وعطاتو ليا .. بعناه ليه ماشي بزوج عمارات فحي الرمان خدیت منو عشرین بريکة من بعد طلاقي .. وتهنيت .. کان مسکني فقصر ولا خرجت نشوف والديا کنکون محضية .. ومللي کيجي على غفلة .. کیخاصم عليا .. وبعض المرات کيضربني بالزيرو اللي فوق راسو ومللي کنغضب وما کا نبغیش نعس معاه فلقبة ديالو … کيتحنى على راجلي وکيبوسهم .. وکيبقى يبکي بحال شي وليد باغي يرضع.