فضول و أسئلة كاتعاود
أجوبة على الأسئلة اللّي كاتعاود على السيت و المحتوى اللي فيه
شنو كايبان فالصفحة اللولة؟
کيفاش کانختارو الکتوبا؟
المکتبة فيها الکتوبا اللّي مکتوبين بالدّارجة، بغض النظر على الموضوع، النّوع، الکاتب، و وجهة النظر.
الهدف ماشي نشهرو شي إيديولوجية، معتقد، موقف سياسي، ولّا ذوق أدبي. الهدف هو نجمعو الکتوبا اللي بالدّارجة. إلا زايدين شي کتاب، ما کايعنيش کانأيّدو المحتوى ديالو، ولّا متافقين معا الکاتب. کايعني غير الکتاب غادي معا الهدف ديال المکتبة: تجميعة ديال المواد المکتوبة بالدارجة مرتّبين بالتاريخ ديال الخروج ديالهوم.
الليستة الحالية ماشي کاملة ولّا نهائية. فيها غير داکشّي اللي حنا لقينا لحدّ الساعة. إلا کاتعرف شي کتاب اخر ما کاينش تمّا، أي اقتراح کانرحّبو بيه.
علاش السيت ما فيهش التعلام ديال الدارجة؟
هاد السيت ما مديورش باش يکون پلاطفورم ديال التعلام ديال الدّارجة. مديور خصوصا للناس اللّي أصلا کايفهموها و باغيين يلقاو کتوبا، پروجيات، و يقراو ولّا ݣاع يکتبو مقالات و پوسطات على هاد اللغة.
نقدرو من هنا للقدّام نحطّو پروجيات ديال التعلام ديال الدارجة.