کفرت فسنة 2006، بحسبة صغيرة، واخا زرق فالماط، ضربت 14 عام فمحاربة الله ورسوله. رغم الطريق الطويلة ديال البحث والتأمل، والنقاشات والحوارات والمناظرات، والوصول لقناعات قوية، مازال تانطرح على راسي السؤال التالي: يلا سافرت للماضي وقدرت نرجع للتسعينات، فالذروة ديال التدين ديالي، وتلاقيت براسي فديک الوقت، کيفاش غا نقدر نقنع داک الشخص، النسخة القديمة مني، أن الأديان مجرد خرافات وأن فکرة الإله تا هي ما واقفاش على الصح؟

فکل مرة تانحاول نجاوب على هاد السؤال، تانلقى راسي منحاز. صعيب الحياد يلا کنتي متيقن أن الآخر على خطأ مئة المئة.

هاد الکتاب هو محاولة جادة مني، أنني نکون محايد إلى أقصى الحدود، رحلة عبر الزمن، غا يزور فيها هشام الملحد هشام المؤمن. الهدف ماشي هو يقنع الکافر المؤمن أو العکس، الهدف هو الحوار وعرض الأدلة.