مولات النوبة

وسمعت شي وحدة فيهم کتقول:

«کيل ضوماج ! هاذ الزين کلو، محبوس فکوزينه خانزه؟»

وداروني وسط لحلقه، وبداو عليا بالتسوال، النعاس غاليني، والحريث و الدريس النهار وما طال هادني، واللي بقاني، کملاو لويزه وکارمين ؛ دارت بيا لرض، وشدني کلاکاج فرجلي، الدراري والدريات اللي دايرين بيا، کيبانو ليا قطوط وفارات ! عدت راسي، وبغيت نجاوبهم، وجرالتي واحد النکريطة من يدي، طمعت لرض ودارت راسي على رکبتها، وحلات ليا فمي وخوات لميره على وجهي، وقالت ليا:

«فق من النعاس ! باش تتقم معانا، وعينيک محلولين»!

کلام لوبانه، جاني فوقتو، الفکره اللي ساکناني وکذوبني، غابيه عليا هاد الساعه، طرافي بارده ثلج ! وباغي حتى انا نلعب، لعب هاذ الدراري ! ماباغي لا ندبح ولا نسلخ ! ولحلقه اللي انا فلوسطها ديه، يحال إلا کنت کنقلب عليها بالليل وبالنهار، ومخلت ليها يخاطر خاطري، وانا کنحبو على يديا ورجليا، ووقفت بزز، وطلبت منهم يسکتو ويتصنتو ليا مزيان نڭز طوطو وقاطعني:

«شوف موغرابي، انت معلم، واحنا ماشي ڭالمدرسه ! ماباغيين تسمعو لادروس، ولا ڭلسفة ! جاوبنا علاش انت معلم ڭبلارک، وقابل هاذ الکورڭي هنا؟»

وقاطعاتو واحد الزعيره:

«انا نعطيه ألف دولار، إلا وراني ليکوبيت ديالو (حجري زمه) ڭير دڭيقه وحده؟»