تخيل راسک فيک شلل کامل، العضلات ديال عينيک بوحدهوم للي خدامين. تخيل راسک من نهار تولدتي ونتا هکذا. تاتشوف حبابک والناس عايشين الحياة بکل ما فيها من تفاصيل، ونتا غير کميشة ديال اللحم، محبوس وتاتفرج فيهم. لکن تخيل أنه، لحسن حظک، وقعات معجزة، الأطباء تقاتلو وقدرو يردّو ليک جميع وظائف الجسد ديالک. الخبر السيئ هو أنک غا تبقى مزيان غير سيمانة وحدة. شنو غادي تدير فديک السيمانة؟ غا تحاول تستاغل کل ساعة، کل دقيقة، کل ثانية باش تعيش داکشي للي کنتي محروم منو. السيمانة هي الحياة القصيرة للي تاتعيشها فهاد العالم، فترة الشلل للي قبل من السيمانة هي الزمن قبل الولادة، وفترة الشلل بعد السيمانة هي الموت ديالک.