دارجة سوتيتراج
أداة فابور باش تصايب سوتيتراج بالدارجة لأي ڤيديو ولّا أوديو، نيشان من المتصفح ديالک، بلا کونط و بلا ما يخرج الفيشيي من الجهاز.
دارجة سوتيتراج أداة تدارت باش تسهّل على أي واحد يستاغل آخر الموديلات ديال الذکاء الاصطناعي اللي مزيانين فالدّارجة، و يصاوب بيهوم سوتيتراج لشي ڤيديو ولّا أوديو فابور و بلا ما يحتاج يخرّج الفيشييات من الجهاز ديالو.
کاتختار فيشيي ڤيديو ولّا أوديو من الجهاز ديالک، و الفهامة د الهضرة (واحد الموديل مدرّب على الدارجة) کاتتنزّل مرة وحدة و کاتخدم فالمتصفح ديالک، على الکارط ݣرافيک ديال الجهاز. السطورا کايتکتبو بوحدهم، و من بعد تقدر تصحّحهوم، تبدّل الستيل ديالهوم، و تصدّرهوم بالفورمة SRT، VTT ولّا ASS، تکوپيي النصّ کامل، ولّا تصاوب ڤيديو بالسوتيتراج محروق فيه.
الفيشيي ديالک ما کايخرجش من الجهاز: لا الڤيديو، لا الصوت، لا النص ما کايتسيفطو لحتى شي سيرڤر.
بغيتي التفاصيل التقنية؟ شوف کيفاش هاد الشّي خدّام.
